سەرۆكایەتی دەستەی سەرپەرشتیاری دادی

 سەرۆكایەتی دەستەی سەرپەرشتیاری دادی :-

دەستەیەكە لە وەزارەتی داد پێك دێت لە سەرۆكی دەستەی سەرپەرشتیاری دادی و دوو جێگری سەرۆك و چەند سەرپەرشتیارێَكی دادی كە ڕاستەوخۆ پەیوەستن بە وەزیری داد ، سەرپەرشتی بەڕێوەچوونی ئیش و كاری دام و دەزگاكانی وەزارەتی داد دەكەن لە ڕووی یاسایی و کارگێڕی وچاودێری کردن و چەند ڕوویەکی تر 

ئەم دەستەیە لەم سێ‌ دەزگایەی خوارەوە پێك دێت :.

أ‌-سەرۆكایەتی دەستەی سەرپەرشتیاری دادی كە پێك دێت لە سەرۆكی دەستە و دوو جێگرەكەی و ژمارەیەك لە سەرپەرشتیارانی دادی و چەند بەڕێوەبرایەتی و بەش و هۆبەیەك كە بریتین لە :-

  • نووسینگەی تایبەت .
  • بەرێوەبەرایەتی دواداچوون / بەدواداچوون دەكات بۆ راپۆرتەكانی سەرپەرشتیارانی دادی .

هۆبەکانی (یاسایی ، ئامار) .

  • بەرێوەبەرایەتی كارگێری / هۆبەکانی ( IT ، كۆگا ) .
  •  بەرێوەبەرایەتی خۆیەتی/  هۆبەی ( میلاكات ) .
  • بەرێوەبەرایەتی ژمێریاری / هۆبەکانی ( كۆمپیوتەر ، بوودجە).
  • بەرێوەبەرایەتی ووردبینی .

ب‌-فەرمانگەی سەرپەرشتیاری دادی سلێمانی 0

ج- فەرمانگەی سەرپەرشتیاری دادی دهۆك .

سەرۆكایەتی دەستەی سەرپەرشتیاری دادی كار و چالاكیەكانی خۆی بەپێ‌ ی ڕێ‌ و شوێنی یاسایی تایبەت بە خۆی بەڕێوەدەبات كە لە یاسای سەرپەرشتیاری دادی ژمارە (124)ی ساڵی 1979 لە هەرێمی كوردستان بەركارە 0

هەروەها بەپێ ی یاسای ژمارە (13)ی ساڵی 2007ی وەزارەتی داد كە بە بڕیاری ژمارە (29)ی ساڵی 2007 لە سەرۆكایەتی هەرێم دەرچووە ، لە بڕگە یەكی مادەی چوارەمی ئەم یاسایە ئەو دەزگایانە ناوزەد دەكات كە دەزگای سەرەكی وەزارەتی دادن ، دەستەی سەرپەرشتیاری دادی دەزگایەكی سەرەكی نێو ئەم دەزگایانەیە و لە ڕووی پلە و پایە و ڕۆڵی كاریگەر و بایەخ پێدانەوە لە زنجیرەی ژمارە (2)دا ریزبەند كراوە ، هەر لەهەمان مادەی ئاماژە پێكراودا لە بڕگەی دووەمدا دەڵێ‌ دەزگاكانی وەزارەتی داد هەریەكەیان ئەرك و پسپۆری خۆی بە گوێرەی ئەو یاسا تایبەتانە ئەنجام دەدات كە دژایەتی لەگەڵ حوكمەكانی ئەو یاسایە ناكات واتا ( یاسای وەزارەتی داد ) 0

گرینگی و ئامانجەكانی سەرۆکایەتی دەستەی سەرپەرشتیاری دادی :-

یەکەم //

دەستەی سەرپەرشتیاری دادی گرینگیەكی تایبەتی هەیە لە بەرەو پێش چوونی ئەدای فەرمانگەكانی وەزارەتی داد كە لەم خاڵانە دەبینرێن :-

1- جەخت لەوە دەكاتەوە كە دەزگا دادیەكان بەئەركی سەر شانی خۆیان هەڵدەستن و بەتەواوەتی یاسا پیادە دەكەن 0

2- ئاگادار بوون لەوەی تا چ ڕادەیەك فەرمانبەرانی دەزگا دادیەكان خێرا و كارامەن لە ئەدا كردنی ئەو كارانەی دەخرێتە بەردەمیان 0

3- ئاگادار بوون لەو گرفتانەی دێتە ڕێی دەزگا دادیەكان و دۆزینەوەی چارەسەری دروست 0

4- بەدوا داچوون بۆ چۆنیەتی جێ‌ بەجێ‌ كردنی بەرنامەی كاری وەزارەتی داد .

5- دۆزینەوەی كەسانی لێهاتووی خاوەن بەهرەی تایبەتمەند بۆ دانانیان لە شوێنی شیاوی خۆیاندا .

 

دووەم //

1- ڕێنمایی و ڕێ پێشاندانی سەرجەم فەرمانبەرانی دەزگاکانی داد بۆ گرتنەبەری باشترین ڕێگا بۆ بەڕێوەبردنی کارەکانیان .

2- چاودێری لەسەر باشی ئەنجامدان و هەڵسەنگاندنی ئەرکەکانیان وە ئاگادارکردنەوە لە هەڵەکان و کەم و کورتیەکان کە ڕوودەدات لەکاتی کارکردندا .  وە پێشنیاری شێوازی چارەسەرکردن و خۆپاراستن لێ ی .

3- وەستان لەسەر چۆنیەتی ئاگادربوونی فەرمانبەرانی دام ودەزگا دادییەکان لەسەر پاراستنی ئەو سامانانەی لەژێر دەستیانە یاخود لەژێر سەرپەرشتیاری  ئەوانە .

 

 داهات //

لەبەر ئەوەی كاری ئەم دەستەیە تەنها سەرپەرشتی كردن و بەدواداچوون و پشكنین و لێكۆڵینەوە كردنە لەگەڵ فەرمانگەكانی سەر بە وەزارەتی داد و هیچ پەیوەندیەكی نیە بەڕایی كردنی مامەڵاتی هاوڵاتیان بۆیە هیچ داهاتێكی نیە 0

 

خزمەتگوزاری دەستەی سەرپەرشتیاری دادی :-

ئەركی سەرەكی دەستەی سەرپەرشتیاری بریتیە لە سەرپەرشتی كردنی فەرمانگەكانی داواكاری گشتی و فەرمانگە دادییەكان ( دادنووس و چاودێری ناكامان و فەرمانگەكانی جێ‌ بەجێ‌ كردن ) وفەرمانگەكانی تۆماركردنی خانووبەرەی هەرسێ‌ پارێزگای هەرێمی كوردستانە كە دەكەونە ژێر پسپۆری دوو تاقم سەرپەرشتیاری دادی :.

1- سەرپەرشتیاری دادی (ئەندامانی دەستەی داواكاری گشتی ) كە تایبەتمەندن بەسەرپەرشتی كردنی كارەكانی ئەندامانی داواكاری گشتی لە دادگاكان و فەرمانگەكانیان .

2- سەرپەرشتیارانی دادی ئەوانیش بە پێ ی پسپۆری كاری دوو جۆر بواری كاركردن وسەرپەرشتی      كردنیان هەیە :-

* فەرمانگە دادییەكان ( دادنووس ، جێ‌ بەجێكردن ، چاودێری ناكامان )وە فەرمانگەكانی تۆماركردنی خانووبەرە دەكرێ‌ ئەویش پسپۆری تێدا رەچاو بكرێ‌ .

سەرەڕای ئەوەی دەبێ‌ ساڵانە بەلایەنی  كەم دووجار سەردانی هەر فەرمانگەیەك بكرێ‌ وئاگاداری چۆنیەتی بەڕێوەچوونی دەوام و چۆنیەتی بەڕێوەچوونی كاروباری فەرمانگە بكرێت وسەرپەرشتیاری دادی ڕاپۆرتی خۆی لەم بارەیەوە ئامادە دەكات هەروەها لەكاتی هەڵسان بەكاری لێكۆڵینەوە دەسەڵاتی دادوەری لێكۆلینەوەیان دەبێ لەو كێشانەی لە لایەن سەرۆكی دەستەی سەرپەرشتیاری دادی یان لە لایەن وەزیری داد ئاراستەیان دەكرێ‌  .

 

ئەو بنەمایانەی ئەم دەستە پشتیان پێ‌ دەبەستێ‌ لە كاركردندا بریتین لە :-

1- دانانی ڕێ و شوێن بۆ ئەندامانی داواكاری گشتی و فەرمانبەرانی ئەم دەزگایە و فەرمانبەرانی فەرمانگە دادییەكان و تۆماركردنی خانوبەرە 0

2- چاودێری كردنی فەرمانبەران لەسەر باش بەڕێوەبردنی كارەكان و دەست نیشان كردنی هەڵە و گرفتەكان كە لە كاتی كاركردن ڕوو دەدەن دانانی ڕێگە چارەی گونجاو بۆیان 0

3- ئاگادار بوون لەوەی تا چەند فەرمانبەران پارێزگاری لە موڵكی گشتی دەكەن 0

 

 

ناونیشان

ناونیشان: هەرێمی کوردستان-هەولێر

‌چواڕیانی فرنسوا میتران

 سۆسیال میدیا

پەیوەندی کردن

بۆ وەڵامدانەوەی پرسیارەکانتان سەبارەت بە هەر کارێکی پەیوەست بە وەزارەتی داد یا هەر فەرمانگەیەکی تری سەر بە وەزارەت دەتوانن پرسیارو داواکاری و سکاڵاکانتان لە رێگەی ئەم فۆرمەوە بنێرن

: iraq, irbil
: 2245580 - 2245507 - 2245506
  نامەکەت نەگەیشت.   نامەکەتە بەسەرکەوتووی گەیشت.
Top