گەشەپێدانی دووەمین پلانی نیشتیمانی بۆ جێبەجێكردنی بڕیاری نێودەوڵەتی 1325

25 تشرين2/نوفمبر 2018

رۆژی 9-10-2018 لە ھۆتێل شیراتۆنی ھەولێری پایتەختی ھەرێمی كوردستانی عێراق، بە ئامادەبوونی كەریم شەنگالی وەزیری ناوخۆی ھەرێمی كوردستان و سەرۆكی بۆردی نیشتیمانی بڕیاری 1325 لە ھەرێمی كوردستان و پەخشان زەنگەنە ئەمینداری گشتی ئەنجوومەنی بالای خانمان و دادوەر عەبدولڕەحمان سیوەیللی بەڕێوبەری گشتی داد، بە نوێنەرایەتی سنان چەلەبی وەزیری داد و نوێنەرانی نەتەوەیەكگرتووەكان لە عێراق و ھەرێمی كوردستان، كۆبوونەوەیەكی راوێژكاری، بەڕێوەچوو.
كە ئامانج لێی بۆ پەرەپێدان بوو بە دووەمین پلانی نیشتیمانی تایبەت بە جێبەجێكردنی بڕیاری 1325ی ئەنجومەنی ئاسایشی نێودەوڵەتی.
لە كۆبوونەوەكەدا كەریم شەنگالی وەزیری ناوخۆی ھەرێمی كوردستان و سەرۆكی بۆردی نیشتیمانی بڕیاری 1325 وتەیەكی پێشكەش كرد و دواتر ھەریەك لە پەخشان زەنگەنە ئەمینداری گشتی ئەنجوومەنی باڵای خانمان و ژمارەیەك لە ئەندامانی بۆردەكە وتەیان ھەبوو، كە بریتی بوون لە : ئەمەل جەلال بەڕێوبەری گشتی ئەنجومەنی باڵای خانمان و سۆزان عارف ھەماھەنگكاری تیمی نیشتیمانی 1325 و دادوەر بەدرەدین بەرزنجی لە وەزارەتی داد و ئەندامی لیژنەی ھەماھەنگكارو قاسم زاملی سەرۆكی ئەمیندارێتی تیمی نیشتیمانی 1325 و خاتوو وایلیت گۆرگیس لە ھاوپەیمانێتی 1325 بەشداربوون و ھەروەھا خاتوو دكتۆرە ئینتیسار مالیك ئەندامی لیژنەی ھەماھەنگیكاری تیمی نیشتیمانی 1325 كۆبوونەوەكەی بەڕێوە دەبرد .
بەمەبەستی راوێژكردن و راگۆڕینەوە بۆ پەرەپێدانی پلانی دووەمی نیشتیمانی و زیاتر دەوڵەمەندكردنی بە پێشنیارو دەسپێشخەری نوێ، پێنج گرووپی كار پێكھێنرا بەو شێوەیە: گرووپی یەكەم بەناونیشانی ھاوبەشیكردن، دووەم گرووپ بەناوی پارێزگاریكردن وسێیەم گرووپ :خۆپارێزی و چوارەم گرووپ :شیانی ئابوریانە و پێنجەم گرووپیش گرووپی راگەیاندن بوو.
ھەریەك لە گرووپەكان پێشنیارو دەستپێشخەری خۆیان خستەڕوو، پاش وتووێژ و راگۆڕینەوە لەسەریان، كۆمەڵێك پێشنیازو دیدوبۆچوون گەڵاڵەكران، شیاوی باسە بڕیارە ئەو پێشنیارو دەستپێشخەریانە گفتووگۆی زیاتری لەسەر بكرێت و ببنە ھەوێنی چۆنێتی گەشەپێدانی دووەمین پلانی نیشتیمانی بۆ جێبەجێكردنی بڕیاری 1325.
جێی باسە لە پارێزگاكانی كەركووك و بەسرا و چەند پارێزگایەكی دیكەی عێراقەوە، نوێنەرانی رێكخراوەكانی كۆمەڵگەی مەدەنی و حكومی لەو كۆبوونەوەیەدا بەشداربوون .

 

ناونیشان

ناونیشان: هەرێمی کوردستان-هەولێر

‌چواڕیانی فرنسوا میتران

 سۆسیال میدیا

پەیوەندی کردن

بۆ وەڵامدانەوەی پرسیارەکانتان سەبارەت بە هەر کارێکی پەیوەست بە وەزارەتی داد یا هەر فەرمانگەیەکی تری سەر بە وەزارەت دەتوانن پرسیارو داواکاری و سکاڵاکانتان لە رێگەی ئەم فۆرمەوە بنێرن

: iraq, irbil
: 2245580 - 2245507 - 2245506
  نامەکەت نەگەیشت.   نامەکەتە بەسەرکەوتووی گەیشت.
Top