دەربارەی وەزارەتی داد

لەگەڵ دامەزراندنی یەکەم کابینەی حکومەتی ھەرێمی کوردستان لە ساڵی ١٩٩٢ دا، وەزارەتی داد یەکێک بووە لە وەزارەتە گرنگ و پڕبایەخەکانی حکومەتی ھەرێمی کوردستانی عێراق، کەوا ئەرکی ڕێکخستن و سەپاندنی یاساکان بە یەکسانی و دادپەروەری لە نێوان تاکەکانی کۆمەڵگەی لە ئەستۆدا بووە، بەو مەبەستەی ھێمنی و سەقامگیری وڵات بپارێزێت و پارێزگاری لە ماف و موڵک و ماڵی دەوڵەت و ھاوڵاتیان بکات.
لە سەرەتادا وەزارەتی داد بەپێی یاسای ژمارە (١٣) ساڵی ١٩٩٢ ی پەرلەمانی کوردستان دامەزراوەو دەزگا دادی و دادوەریەکان لە نێویشیاندا دادگاکان لە ڕووی کارگێڕیەوە بە وەزارەتی دادەوە بەسترابوونەوە. ھەروەھا بەمەبەستی رێکردن لەگەڵ گۆڕانکاری و پێشھاتەکان وەزارەتی داد لە ماوەی ڕابردوودا، لە رووی کارو پێکھاتەکەیەوە، چەندین گۆڕانکاری بەسەرداھاتووە، دواین گۆڕانکاریش ھەموارکردنی یاساکەی بوو لە ساڵی ٢٠٠٧ دا، کە یاسای ژمارە(١٣) ساڵی ٢٠٠٧ تایبەت بە وەزارەتی داد لەلایەن پەرلەمانی کوردستانەوە دەرچوو، لەم یاسایەدا دادگاکان لە وەزارەتی داد جیاکرانەوەو لە پەرلەمانی کوردستانیش، بەمەبەستی سەربەخۆکردنی دەسەڵاتی دادوەری لە ھەرێمی کوردستاندا، یاسایەکی تایبەت بە دەسەڵاتی دادوەری دەرچوو، ئەویش یاسای ژمارە (٢٣) ساڵی ٢٠٠٧ بوو.
شایانی باسە لە یاسای ژمارە (١٣) ی ساڵی ٢٠٠٧ وەزارەتی داد، سێ داموودەزگای گرنگ و نوێ بۆ پێکھاتەکەی زیادکراوە ئەوانیش (ئەنجومەنی شورای ھەرێم، بەڕێوەبەرایەتی گشتی پەیمانگەی دادوەری، بەڕێوەبەری گشتی فەرمانگەکانی داد)ن.
ھەروەھا لە ماددە (٢) بڕگە(١) لە یاسای کارپێکراوی وەزارەتدا ھاتووە ((ئامانجی وەزارەت بەدیھێنانی دادپەروەرییە لە ھەرێم و پاراستنی مافی ھاوڵاتیانە لە ڕێگەی جێبەجێکردن و ئامادەکردنی یاساکان و ڕێزگرتن لە ناوەڕۆکەکانیان بە جۆرێکی وا بەرگری لە مافی مرۆڤ بکات و لەگەڵ جاڕنامەی گەردوونی مافی مرۆڤ و گفت و پەیمانە نێودەوڵەتیە پەیوەندارەکانی بگونجێ)).
بۆ گەیشتن بەم ئامانجە، وەزارەت کۆمەڵێک ئەرکی لە ئەستۆدایە لە ماددە(٢) بڕگەی(٢)دا ھاتووە: ئەرکی بە یاساکردن و سەیرکردنی ناکۆکییە کارگێڕی و دادوەریەکان و دەستەبەرکردنی یەکێتی یاساکاری و دەربڕینی بیروڕایە لە بارەی کاروباری یاسایی بۆ کوردستانی عێراق و دەزگاکانی. تۆمارکردنی تەسەروفی خانوبەرە و حوکمەکانی دادوەری لە بارەی مافی عەقاری و ڕێکخستن و بە ھێزکردنی تەسەروفی یاسایی و چەسپاندنی ئەو مافانەی لێیەوە دروست دەبن و سیفەتی فەرمیان بخرێتە سەر ئەرکێکی تری وەزارەتە. وەزارەتی داد یاسای دادنووسی ژمارە (٣٣) ساڵی ١٩٩٨ ی جێبەجێکردکە گووڕووتینێکی زۆرتری داوەتە کارەکان، چاودێریکردنی کاروباری ناکامەکان. بڵاوکردنەوەی ڕۆژنامەی فەرمی (وەقایعی کوردستان). ئامادەکردن و شیاندنی دادوەران و ئەندامانی داواکاری گشتی و کادیرە یاساییەکان... تاد.
لە ئێستاد وەزارەتی داد لە حەوت دامودەزگای سەرەکی پێکدێت ئەوانیش(بەڕێوەبەرایەتی گشتی داد، پەیمانگەی دادوەری، ئەنجومەنی شورای ھەرێم، دەستەی سەرپەرشتیاری دادی، داواکاری گشتی، بەڕێوەبەرایەتی گشتی تۆمارکردنی خانووبەرە، بەڕێوەبەرایەتی گشتی فەرمانگەکانی داد)ە.
لە ماوەی ڕابردودا چەندین کەسایەتی بە توانا پۆستی وەزیری دادیان لە ئەستۆ گرتووەو بەڕێوەیان بردوە، لە خشتەی خوارەوەدا زانیاری دەربارەی ئەو کەسایەتیانە دەخەینەڕوو

 

ز

ناوی وەزیر

ب .دەست بەکاربوون

ب .دەست لەکار ھەڵکرتن

تێبینی

 ١

معروف رؤوف خـضر

١٩-٨-١٩٩٢

٢٥-٤-١٩٩٣

 
٢ 

قادر عزیز جباری

٢٦-٤-١٩٩٣

٢٦-٩-١٩٩٦

 

٣

هادی علی عبدالکریم

٢٣-١٢-١٩٩٩

٧-٥-٢٠٠٦

 

٤ 

ئازاد عزالدین ملاافندی

٨-٥-٢٠٠٦

٦-٢-٢٠٠٧

 

٥ 

فاروق جمیل صادق

٧-٢-٢٠٠٧

٢٨-١٠-٢٠٠٩

 

٦ 

رؤوف رشید عبدالرحمن

١-١١-٢٠٠٩

٥-٤-٢٠١٢

 

٧ 

شێروان ناصح حیدری

٦-٤-٢٠١٢

١٨-٦-٢٠١٤

 

٨ 

سنان چلبی

٢٦-٩-١٩٩٦

 

 

 

 

 

 

 

 

 

 

 

 

 

 

 

 

 

 

 

 

 

 

         
         
         

ناونیشان

ناونیشان: هەرێمی کوردستان-هەولێر

‌چواڕیانی فرنسوا میتران

 سۆسیال میدیا

پەیوەندی کردن

بۆ وەڵامدانەوەی پرسیارەکانتان سەبارەت بە هەر کارێکی پەیوەست بە وەزارەتی داد یا هەر فەرمانگەیەکی تری سەر بە وەزارەت دەتوانن پرسیارو داواکاری و سکاڵاکانتان لە رێگەی ئەم فۆرمەوە بنێرن

: iraq, irbil
: 2245580 - 2245507 - 2245506
  نامەکەت نەگەیشت.   نامەکەتە بەسەرکەوتووی گەیشت.
Top