دەربارەی یاسای وەزارەت

یاسای ژمارە(١٣ )ی ساڵی ٢٠٠٧

یاسای وەزارەتی  داد لە ھەرێمی کوردستان ـ عێراق

 

ماددەی یەکەم:

مەبەست لەم زاراوانەی خوارەوە،  ماناکانی بەرامبەریانە بۆ مەبەستی ئەم یاسایە:

یەکەم : ھەرێم : ھەرێمی کوردستان ـ عێراق.

دووەم : وەزارەت : وەزارەتی دادی ھەرێم.

سێیەم : وەزیر : وەزیریدادیھەرێم .

چوارەم : بریکاری وەزارەت : بریکاری وەزارەتیداد.

پێنجەم :ئەنجومەن : ئەنجومەنی وەزارەتی داد.

 

ئامانج و ئەرکەکانی وەزارەت

ماددەی دووەم:

یەکەم : ئامانجی وەزارەت بەدیھێنانی دادپەروەرییە لە  ھەرێم  و پاراستنی مافی ھاووڵاتیانە لە ڕێگەی جێبەجێ کردن و ئامادەکردنی یاساکان و ڕێزگرتن لە ناوەڕۆکەکانیان بە جۆرێکی وا بەرگری لە مافی مرۆڤ بکات و لەگەلڕ جاڕنامەی گەردوونی مافی مرۆڤ و عەھد و پەیمانە نێودەوڵەتییە پەیوەندیدارەکان پێیەوە بگونجآ.

دووەم : وەزارەت بۆ بەدیھێنانی ئامانجەکانی ئەم ئەرکانە دەگرێتە ئەستۆ:

١- بە یاسا کردن و سەیرکردنی ناکۆکییە کارگێڕی و دادوەریەکان و دەستەبەر کردنی یەکێتی یاساکاریی و دەربڕینی بیروڕا لەبارەی کاروباری یاسایی بۆ کوردستانی عێراق و دەزگاکانی.

٢- تۆمارکردنی تەسەروفی خانووبەرە و حوکمەکانی دادوەریی لەبارەی مافی عەقاری و ڕیکخستن و بەھێز کردنی تەسەروفی یاسایی و چەسپاندنی ئەو مافانەی لێیەوە دروست دەبن و سیفەتی فەرمیان بخرێتە سەر.

٣- چاودێری کردنی کاروباری ناکامان لە ڕووی کۆمەڵایەتی و ڕۆشنبیری و پەروەردەیی و مرۆڤایەتیەوە بە ھەماھەنگی کردن لەگەلڕ لایەنە پەیوەندیدارەکاندا.

٤- پاراستنی دەسکەوتەکانی مافەکانی ھەرێم و مافی ھاووڵاتیان و ئاسانکاریی کردنی رێکاری جێبەجێ کردنی حوکمەکان و بڕیارەکان.

٥- ئامادەکردنی پلانی تایبەت بە وەزارەت و بەدوداچوونی جێبەجێ کردنەکەی.

٦- دەرکردن و بڵاََََََََوکردنەوە و دابەشکردنی رۆژنامەی فەرمی (وەقائعی کوردستان) بە ھەردوو زمانی کوردی و عەرەبی بۆ دابین کردنی ئاگاداری فەرمانگە و دەزگاکانی ھەرێم و ھاووڵاتیان لە یاساکارییە دەرچووەکاندا.

٧- ئامادەکردن و شیاندنی دادوەر و ئەندامانی داواکاری گشتی و کادیری یاسایی بۆ کارمەندانی وەزارەت و فەرمانگە و دەزگاکانی دیکەی ھەرێم.

٨- پێداچوونەوە و وردبینی کردن و پشکنینی تۆمارەکانی وەزارەت و ھەموو فەرمانگەکانی، بۆ دابین کردنی دادوەریی و دەستپاکی و شیاویی لە جێبەجێ کردنی کارو چاڵاکیەکانی دا.

٩- بەستنی کۆبوونەوە لە گەڵ دادوەرەکان بە دادوەرەکانی دادگای تەمییز و کارمەندانی فەرمانگەکانی دیکەی دادەوە، بۆ دەستەبەرکردنی بەدیھێنانی ئامانجەکانی وەزارەت.

١٠- ھەماھەنگی کردن لە گەڵ ئەنجومەنی دادوەریی و لایەنە پەیوەندیدارەکان بە مەبەستی پیادەکردنی یاساکان و بەدیھێنانی دادپەروەریی و ئامانجەکانی وەزارەت.

١١- بەشداریکردن لە نرخاندنی یاسا کارپێکراوەکان بۆ زانینی ڕادەی گونجانی لەگەڵ واقعی پەرەسەندوو و پەیوەندیی بە مافی گشتی و بەرژەوەندی کۆمەڵگای کوردستانییەوە.

١٢- لێکۆڵینەوە لە دیاردە کۆمەڵایەتیە جیاوازەکان و بەشداریکردن لە چاودێری کردنی دیاردەی تاوانکردن و ناکۆکیەکان و چۆنیەتی چارەسەرکردنیان بە ھاوکاریکردن لە گەڵ فەرمانگەکانی دیکەی پەیوەندیدار لە ھەرێمدا.

١٣- ھاوکاری کردن لەگەلڕ لایەنە دادیەکانی دەوڵەتی فیدرالی بۆ وەرگرتنەوەی تاوانکاران وجێبەجێکردنی حوکم وبڕیارەکانی دادوەری.

 

ناونیشان

ناونیشان: هەرێمی کوردستان-هەولێر

‌چواڕیانی فرنسوا میتران

 سۆسیال میدیا

پەیوەندی کردن

بۆ وەڵامدانەوەی پرسیارەکانتان سەبارەت بە هەر کارێکی پەیوەست بە وەزارەتی داد یا هەر فەرمانگەیەکی تری سەر بە وەزارەت دەتوانن پرسیارو داواکاری و سکاڵاکانتان لە رێگەی ئەم فۆرمەوە بنێرن

: iraq, irbil
: 2245580 - 2245507 - 2245506
  نامەکەت نەگەیشت.   نامەکەتە بەسەرکەوتووی گەیشت.
Top